مـ ــ ـدونــ ــ ــة عـ ــ ــا ئــ ــ ــض

بسم الله الرحمن الرحيم   أسعد الله أوقاتكم بكل خير وحياكم الله مطعم ممتاز و مميز وهو الأفضل في المظبي في الجنوب. أخذنا نص تيس ب ٤٦٤ ريال لكن لا تغرك كلمة نص تيس، التيوس عندهم صغيرة كنها بساس هههههه. بس والله انه لذيذ اللحم و الرز لذيذة و الطحينة ممتازة ويقدم مع خبز بر اسمر. و بسبب الزحام عنده الطلب يطول ياخذ احيانا ٥٠ دقيقة الى ساعة و ربع. عيبه الرئيسي واللي اشوفه الوحيد هي المواقف او الوصول للمطعم، المكان مزحوم بشكل فضيع. الجلسات على حسب فيه الصغيرة و الكبيرة ولكن الصدق من سبق لبق يمكن تحصل جلسات كبيرة ما فيها الا شخصين وهي تسع لأكثر من ٧ أشخاص لانه بالعادة الأماكن ما تفضى. توجد خدمة مدى للدفع بالبطاقة او نقدا. الموقع على Google Maps

بسم الله الرحمن الرحيم ما شاء الله مطعم ممتاز ورهيب. أسعاره معقولة مقارنة بالطعم و الديكور و الخدمة المميزة. لم يأخذ الطلب اكثر من ١٢ دقيقة رغم وجود زحمة بالمطعم. طلبنا كان مشكل مشاوي كبير + ريش + مشكل مقبلات صغير + ٢ بيبسي = 151 ريال مع الضريبة. الجلسات لقسم الأفراد كثيرة و تقدر تحجز طاولة. صحن المقبلات صغير صحن مشاوي مشكل كبير ينفع لـــ ٤ أشخاص اكلهم معقول او ٣ اكلهم كثير هذي صورة ريش لحم بصراحة مطعم ممتاز من كل النواحي وينفع للمتزوجين الجدد اكيد يوجد قسم للعوائل لكن ما جربته ولا اعرف كيفالبارتيشنات و توجد مواقف بالخلف. توجد خدمة مدى للدفع بالبطاقة. موقع المطعم على Google Maps

السلام عليكم ورحمة الله وبركاته المطعم بصراحة ممتاز و لذيذ، الجلسات سيئة والطاولات ان شاء الله يغيرونها. الجلسات فقط للأفراد لا أعتقد توجد جلسات للعوائل. خدمات الدفع بالبطاقة مثل مدى و مدى أثير و فيزا وماستر كارد كلها موجود. والأهم الأكل كان لذيذ جربنا صحن شاورما كان ممتاز والثوم طيب. وجربنا صحن مشكل مشاوي كان لذيذ جدا. أسعاره متوسطة الي غالية. لا يوجد الا العصائر الطبيعية بس تقدر تأخذ بيبسي من المطعم المجاور #مطعم_كوفه. الاكل تقريبا هالصحنين بس ٧٨ ريال تقريبا. موقع المطعم على Google Maps